Transcription
1
Monseigneur, presentement le sieur capitaine St Marc acompaigné du capitaine Mellian, seigneur
2
Najoue et de troys des sieurs consulz de ceste ville estans venuz exprest par devers
3
Moy, mont reconté que peu dheure au paravant, passant par cestedite ville,
4
les capitaines Loynes et Beauchamps leur ont dict et declairé que passant
5
par Montelymard, monsieur d’Oche [= d’Ourche] les avoyt chargé de donner
6
advys audit sieur capitaine St Marc, quil avoyt sceu de certains
7
soldatz des rebelles quil a decfaict ses jours passez, que lesdits
8
rebelles ont continué entreprinse ou intelligence pour surprandre
9
ceste dicte cité de Vienne. Nous avons aussi heu plusieurs
10
aultres et dyvertz advertissementz ses jours passez touchant
11
les funestres et calamiteux descaincts desdits rebelles, ung grand
12
nombre desquelz, long dict estre assemblez prez d’Annonay. Et
13
une trouppe des leurs lon dict naguières furent recognoistre
14
le port de Serières ou de Champaigne pour entrer en Daulphiné.
15
Et desirans les notables et bons citoiens de cestedite ville
16
de Vienne se converser après que plusieurs dentre eulx, par diverses
17
foys I [ajouté : I en ont] conferé, ont argués quil estoyt requis pour la conservation de
18
ladite cité mectre cinquante bons soldatz en icelle, lesquelz
19
il plaira à votre seigneurie faire souldoyer au peys ou au
20
balliage de Viennoys en consideration de l’extreme povreté et
21
indigence en laquelle lesditz habitans sont constituez et
22
des charges quilz ont y cydevant suppourté et supportent
23
journellement. Et actendant sur ce voz commandementz,
24
monseigneur, je supplierey le Createur vous donner en toute prosperité
25
longue et heureuse vie. De Vienne, ce XXIe mars 1574
26
Monseigneur, puis ceste lettre escripte ce jourd’hui XXIe dudit mois, monsieur
27
de Chastellard nous ha faict entendre de votre part qu’heussions lœil
28
[125B]
29à prevenir certaine entreprinse que lesdits rebelles hont [barré : sur et ajouté : sur ] ceste cité,
30
sur quoi messieurs les consulz et plusieurs notables se sont
31
assemblés avec ledit sieur cappitaine St Marc en notre presence. Là ha esté
32
advisé de prier monsieur labbé de St André gentilhomme faire
33
apparente I [ajouté : I entrée] dans le chateau de La Bastie avec ses domestiques
34
et certain nombre des citoiens dudit Vienne qui seront renvoiés
35
chacun jour. A quoy ledit sieur abbé ha promis faire son devoir et
36
votre commandement. D’ailheurs par les visitations faictes des ruines, il
37
ha esté cogneu quil estoit requis emploier à la reparation de la forteresse
38
mil ou douze cens livres. Et à ces fins dresser ung emprunct
39
sur aucungz des citoiens des plus aisés de ladite cité ce qu’il plairra
40
à votre seigneurie accorder, et en ottroier commission particulliere ausdits
41
sieurs consulz. Nous avons aussi heu advis d’ung gentilhomme [ mot ?]
42
que lesdits rebelles pretendent saisyr le château de Jarcieu bien
43
tost, ainsi que je vous ai mandé cy devant. Monseigneur, il
44
plaira à votre segnerie y faire metre gardes de soldards de votre
45
authorité par ce que lon dict que sans ce il y a danger de saisie.
46
Et autrement, monseigneur, sur le tout vous plaira pourvoir selon votre bon plaisir.
47
Monseigneur jobmetoy vous escripre que attendant votre bon plaisir nous mandons
48
à aulcungs seigneurs gentilhommes noz voisins et à certains chastellains
49
que ilz haient agreable de dresser et tenir prestz ung bon nombre
50
d’hommes armés pour le service du roy ycy ou ailheurs où la necessité
51
les requiera.
52
Vostre très humble serviteur
53
J. de Buffevant